هـــاذي نــــوره ..!
بــارك الله ساعـة(ن) فيهــا عبرتـــي
أحيـت القلـب المولـع والحزيـن
يوم شفتينـي .. وشفتـك ,, وأبتسمتي
رجعتنـي الذاكره عشـرة سنيـن
يـوم كنـا أحبــاب فـي قلبـي سكنتــــي
صغار كنا .. نلتقي في كل حين
هـاذي أنتــي والله مـاكنـــك كبـــرتــــي
يعلــم الله جامعـه مـن كل زيــن
بس تعالـي منهي هـاذي ..لوسمحتي ؟!
منهي إللي واقفـه يمك يمين ؟؟
قاطعتنـي .. هاذي نوره .. هاذي بنتـــي
ليتهـا تـدري عـن الحـظ اللعين
قلت حلـوه .. بس ماهـي مثـلك أنتـــي
حتى لو يخلق من الشبه أربعين
علميهــا قبــل أبوهــا مـن عشقتــــــي
خبريهـا عـن سـواة الحاسـديــن
وفهميها وشلـون مـن قلبـي رحلتـــــي
يـوم كنـا فـي الهـوا متعـاهديـن
وعلميهـا شلـون مـن إيــدي شربتــــي
ليلــه مهديــك فيهـا وردتيـــــن
قاطعتنـي .. هـذا بعـدك .. قلت خفتـي؟
وأذبحتنـي يـوم قالـت كلمتيـــن
صرت شايب .. قلـت هـذا وأنتي شفتي
وداعبتني .. فوق زلفك شيبتين
وأضحكت لي .. قلت حتى من ضحكتي
رجعتنـي الذاكـره عشـرة سنيـن
